Rétti tíminn til að fara að huga að eftirlaunum er dagurinn sem þú byrjar í fyrstu vinnunni þinni. Ég veit að þegar fólk er á tvítugs-og þrítugs aldri eru ljósár í eftirlaunin en með því að byrja að skoða þetta strax þá getur munað tugum milljóna hversu mikið þú átt í sjóðum þegar þú ferð á eftirlaun.
Ég myndi alltaf byrja á því að panta mér fjármálaráðgjöf og inn á t.d. bjornberg.is er hægt að panta bæði lífeyrissjóðsráðgjöf sem og fjármálaráðgjöf. Það getur skipt gífurlega miklu máli að velja rétta sparnaðarleið í upphafi og alltaf mikilvægt að nýta allan þann séreignarsparnað sem er í boði.
Því yngri sem þú ert þegar þú byrjar að spara fyrir efri árin því minna þarftu í raun að leggja fyrir. Það eru til ansi margar reiknivélar á netinu sem sýna svart á hvítu hversu lítið þú þarft að leggja til hliðar ef þú byrjar bara nógu snemma. Í dag eru meiri líkur á því að fólk nái háum aldri og það er fátt verra en að lifa löngu heilbrigðu lífi en eiga ekki sjóði til að geta notið efri áranna.
Ég myndi einnig mæla með því að fylgja Fortuna Invest á Instagram sem eru með frábær ráð fyrir alla sem hafa áhuga á fjármálum. Einnig skoða hvað aurbjorg.is er að gera sem og vefinn leitin að peningunum.
Ertu með spurningar varðandi fasteignamarkaðinn sendu mér línu á asdis@husaskjol.is eða skilaboð á samfélagsmiðlunum.
asdis@husaskjol.is - Sími: 863 0402
