Lýsing eignar

HÚSASKJÓL KYNNIR:

EIGNIN ER SELD.

HÚSASKJÓL OG ÁSDÍS RÓSA LGF KYNNA Í EINKASÖLU: Virkilega gott 205 fm fjölskylduhús með óhindruðu sjávarútsýni við Sævargarða 8 á Seltjarnarnesi. Sjón er sögu ríkari.
Húsið er endaraðhús á tveimur hæðum. Eins  og húsið er núna eru þrjú herbergi á neðri hæð, stórt hol, baðherbergi og bílskúr.
Á efri hæð er stofa, eldhús, þvottahús, baðherbergi og stór yfirbyggð sólstofa sem í dag er nýtt sem tvö herbergi.

SMELLTU HÉR TIL AÐ FÁ UPPLÝSINGABÆKLING FYRIR EIGNINA OG BÓKA SKOÐUN. 
Ef þú átt eftir að selja þá er mikilvægt er að vera með staðfest verðmat á þinni eign til að geta sent inn raunhæf tilboð og verið samkeppnishæfur við aðra kaupendur. Smelltu hér til að bóka frítt sölumat á þinni eign. 

Húsið hefur fengið mjög gott viðhald á undanförnum 2 árum:
Múrviðgert og málað.
Gluggar yfirfarnir og skipt um glugga að hluta.
Þak og þakkantur.
Skipt um skólplagnir frá baði á efri hæð niður í aðalrör.

FASTEIGNAMAT FYRIR 2024 VERÐUR 139.500.000.-

Húsið er endaraðhús og þegar gengið er að því er búið að byggja yfir einskonar úti forstofu með gluggum þar sem er gott að geyma hjól og þar er gengið inn í bílskúr og sorpgeymslu.
Komið er inn í forstofu með flísum og fatahengi. Þaðan er gengið inn í hol sem hægt er að nýta sem sjónvarpshol. Herbergi 1 er með nýlegu parketi. Herbergi 2 er parketlagt hjónaherbergi með endurnýjuðu, rúmgóðu fataherbergi, þar sem eru góðar hillur, skúffur, skápar og fataslár. Úr svefnherbergi er gengið út á sólríka hellulagða verönd. Þar er 4,8 fm geymsluskúr. Lagnir fyrir heitan pott eru undir gólfi í skúrnum.  Baðherbergið er flísalagt og er með baðkari og glugga. Herbergi 3, með parketi, var áður tvö herbergi en er eitt rúmgott í dag.
Gengið er upp parketlagðan stiga með glerhandriði. 
Á annarri hæð er parketlögð stofa með arni og óhindruðu sjávarútsýni. Nýir gluggar. Eldhúsinnréttingin var endurnýjuð 2008 og er úr dökkri eik. Inn af eldhúsinu er mjög gott þvottahús, með snúrum, hillum og vaski. Baðherbergi á efri hæð er nýlega endurnýjað. Flísalagt í hólf og gólf og góð sturta. Auðvelt er að stækka eldhús með því að sameina það þvottahúsi. Úr báðum herbergjum er gott útsýni.
Búið er að byggja yfir og loka stórum svölum sem í dag er nýtt sem rúmgóð sjónvarpsstofa og svefnherbergi. Sjónvarpsstofan er flísalögð og svefnherbergið með plastparketi. Skoða þarf ástand á sólstofu, komið að endurnýjun.
Bílskúr er rúmgóður með hillum á alla vegu, vinnuborði og vaski. Hægt er að gera bílskúrinn hluta af íbúð með opnun úr holi.   
Stór grasflöt er meðfram húsinu og fyrir aftan það, hekk í kringum lóð.
Staðsetningin er frábær, vestarlega á Nesinu og útsýni magnað. 

Einstaklega fjölskylduvænt hús með fjölbreytta möguleika fyrir barnafjölskyldu í rólegri botnlangagötu. Frábær staðsetning,  stutt í náttúruperluna Gróttu, Nesstofu og almenningssamgöngur. Óviðjafnanlegt útsýni út á Faxaflóa þar sem Akrafjall, Skarðsheiðin og Esjan blasa við. Stutt í alla skóla, heilsugæslu, sundlaug, heilsurækt og fjölbreyttar íþróttir hjá Gróttu. Eign sem vert er að skoða.

*** Allar nánari upplýsingar veitir Ásdís Rósa Ásgeirsdóttir, lögfræðingur og löggiltur fasteignasali og félagsmaður í félagi fasteignasala netfang:  asdisrosa@husaskjol.is eða í síma: 895-7784 ***

Húsaskjól fasteignasala - af því að þín fasteign skiptir máli

Ertu í söluhugleiðingum? Smelltu hér til að fá frítt verðmat
Ertu að leita að sambærilegri íbúð? Smelltu hér til að skrá þig á kaupóskalistann okkar

Fylgdu okkur á Instagram
Skoðaðu hvað okkar viðskiptavinir hafa um Skoðaðu hvað okkar viðskiptavinir hafa um okkur að segja
Hvað er í gangi á fasteignamarkaðnum? Skráðu þig á Fréttaskot Húsaskjóls

Húsaskjól advices potential buyers who do not speak or read icelandic to have a translator present when they view and sign an offer,  sales agreement and other documents relating to the purchase of the property.​ 

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Húsaskjól fasteignasala því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.   

 Gjöld sem kaupandi þarf að standa straum af vegna kaupanna:

1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar - fast gjald.  Sjá vefsíðu viðkomandi lánastofnanna
4. Umsýslugjald til fasteignasölu skv. kauptilboði